|
«Объектив»
«Индустрияландыру картасы», «Бизнестің жол картасы», «Жұмыспен қамту-2020», «Бизнестің әлеуметтік жауапкершілігі» бағдарламалары аясында атқарылып жатқан жұмыстарға арналған. Шағын және орта бизнес, әлеуметтік аз қамтылған топтарға берілетін микрокредит, білім-тәрбие беру, адамгершілік принциптері, ауылшаруашылығы және т.с.с. мәселелерге арналған хабарлар топтамасы.
Жиілігі: айына 4 рет
Ұзақтығы: 20 минут.
«Шаңырақ»
Достық тақырыбына арналған хабар. Онда көпұлтты еңбек ұжымдары, достық үйлері мен жекелеген азаматтар өмірі, мемлекеттік тілдің қазақтан өзге ортадағы қолданыс аясы, ұлттық қолданбалы өнердің, әдет-ғұрыптар мен салт-дәстүрлердің өзара байланысы және т.б. туралы айтылады.
Жиілігі: айына 2 рет
Ұзақтығы: 20 мин.
«Сырлы әлем»
С.Назарбаеваның бастамасымен қолға алынған «Өзін-өзі тану» сабақтарына арналған хабар. Адами принциптерді бала санасына ұғындыру, дұрыс бағыт-бағдар беру тақырыбына арналған, валеолог-мұғалімдер мен студенттердің, оқушылардың қатысуымен даярланатын ай сайынғы хабар.
Жиілігі: айына 2 рет
Ұзақтығы: 15 минут.
«Ант»
Патриотизм тақырыбына арналған хабар. Сардарлардың оқу-жаттығулары, жалпы әскерилермен қатар құқық қорғаушылардың күнделікті тыныс-тіршілігі туралы баяндайды. Мектеп оқушылары бойындағы патриоттық сезімді дамыту шараларының барысы, олардың өздерінің Отан алдындағы қасиетті борышты өтеуі туралы ой-пікірлері т.б. сөз болады.
Жиілігі: айына 2 рет
Ұзақтығы: 10 минут.
«Бойтұмарым-туған тіл»
Мемлекеттік тілдің қолданыс аясын насихаттауға, Тіл туралы заңның орындалысын қадағалауға, ұлтаралық қатынастарды дамытуға арналған хабар. Облыстағы іс-қағаздарын мемлекеттік тілге көшіріп, өзара қатынас тіліне ауыстырып келе жатқан мекемелер, кәсіпорындар, білім ошақтары, тіл үйрену орталықтарының жұмысы туралы хабарлар циклы ШҚО тілдерді дамыту басқармасының тапсырысымен эфирге шығады.
Жиілігі: айына 1 рет
Ұзақтығы: 10 мин.
«Рауан»
Танымдық-музыкалық интерактивті бағдарлама. Облыстың мәдени-әдеби, тарихи өміріне арналған интерактивті түрлі іс-шаралардан сюжеттер, репортаждар мен суреттемелер беріледі. Республика, облыс, қала-аудандардағы жер-су, көше немесе елді мекендер атауларына бағытталған блиц-сауалнамалар, белгілі бір тақырып негізінде студия қонағымен сұхбаттасу және т.б. ұсынылады.
Жиілігі: айына 4 рет
Ұзақтығы: 20 мин.
«Сіздің хақыңыз»
Тікелей эфирдегі заң саласындағы өзгерістер мен толықтырулар туралы халыққа насихаттау, адамның өз хақысын қорғаудағы сауаттылығына бағытталған хабар. Көрермен сұрақтарына заңгерлер жауап береді. Тәуелсіздік жылдарындағы ҚР заңдарын түсіндірудегі мамандар рөлі көрініс табады.
Жиілігі: айына 4 рет
Ұзақтығы: 20 мин.
«Ақпар»
Ақпараттық бағдарлама (жаңалықтар шығарылымы).
Жиілігі: күн сайын
Ұзақтығы: 15 мин.
«Арнайы репортаж»
Апта ішінде айрықша тақырыбымен ерекшеленген, оқиға орнынан түсірілген репортаж.
Жиілігі: айына 4 рет
Ұзақтығы: 10 мин.
«Интернет-дайджест»
Жаңалықтар ағыны. Әлем, ел және облыс жаңалықтары негізінде дайындалатын күнделікті шығарылым.
Ұзақтығы: 5 мин.
|
Кенді Алтайдың киелі ордасы - Өскемен қаласындағы студия қазақ жеріндегі тұңғыш телевизиялық студия ретінде 1958 жылы наурыздың 16-шы жұлдызында ашылды. Сол күні телеарнаның эфирінде «Жеңіс салюті» бағдарламасы өтті.Қызметке ерекше ынта қойып кіріскен ұжым бірлігінің арқасында 1959 жылдан бастап, аймақта киноөндіріс құрыла бастады. Операторлар «Киев-С» деген қарапайым камерамен жұмыс істеді. Ол камераларда түсірілім 15 метрлік пленкасы бар касеталармен жүргізілетін. Ең қызығы сол, 15 метрлік пленка тек 1 минуттық түсірілімге жететін. Телевизиялық аппараттардың жаңартылуымен қатар, облыста телевизиялық стансалар мен тарату желісі аумағын кеңейту мақсатында радио желісінің құрылысы жүріп жатты.1968 жылы 1 мамырда Өскемен мен аудандардың басым бөлігі Орталық телеарнаның бағдарламаларын қабылдау мүмкіндігіне ие болды.1974 жылдан республикалық бағдарламаларды аймақ жұрты тамашалап, одақ көлемінде болып жатқан елеулі оқиғалар ағымы туралы телеарна эфирінен хабардар болып отырды.1980 жылы Шығыс Қазақстан облыстық телевизиялық студия кинооператорлары Мәскеу олимпиадасын түсіруге қатысты.1981 жылы «Перспектива» түрлі-түсті телевизиялық аппараттық және жаңа телепроекциялық блоктар орнатылып, пайдалануға берілді. Көрерменнің көзайымы болған арна эфирінде түрлі-түсті форматтағы бағдарламалар мен жаңалықтар шығарылымы телевизиялық өндірістің тағы бір кезеңін артқа тастап, көш ілгерілеуге бағыт алды.1988 жылы жылжымалы телевизиялық станция (ПТС) ғимараты салынды және «Магнолия 83-А» жылжымалы телевизиялық станциясы пайдалануға берілді. Ғасыр талабына сай жабдықталған кешен арқылы әр ауданнан, өңірдің тарихи-мәдени орындарынан эфирге тікелей қосылуға болатын. 30 жыл ішінде арна ұжымы жыл сайын жаңа шығармашылық, техникалық топтармен толығып отырды.1997 жылы Семей мен Шығыс Қазақстан облыстарының бірігуіне орай, телеарна мен облыстық радио ортақ облысқа жұмыс істейді. Сол жылдың қазан айында телеарна 18 сағаттық ауқыммен 12 метрлік қашықтықта хабар таратуды бастайды.2003 жылы Өскемен облыстық телерадиокомпаниясының атауы «Қазақстан» РТРК АҚ-ның Шығыс Қазақстан облыстық филиалы деп өзгертілді.2008 жылы қараша айынан бастап «Қазақстан-Өскемен» телеарнасының 14 сағаттық хабар тарату тізбегі облыстың 100 пайызын қамтыды.2009 жылы телевизияға 4 камералы жылжымалы ПТС «Мерседес» көлігі берілді.2010 жылы 28 маусым күні Астанамен республикалық телекөпір өтті. Елбасының мемлекеттік индустриялық-инновациялық бағдарламаның дамуына байланысты «Қуатты Қазақстанды бірге көркейтеміз!» жұмыстарында Шығыс Қазақстанның ірі жобаларын көрсету телекөпірі «Қазақстан-Өскемен» телеарнасының мамандары көмегімен жүзеге асты.2010 жылы 21 желтоқсан күні Астанамен республикалық «Қуатты Қазақстанды бірге көркейтеміз» атты жалпыұлттық телекөпір өткізілді.
Дүйсенов Арсен Кеңесұлы, филиал директоры
Жабағиева Аида Тілеубайқызы, «Қазақстан» РТРК АҚ ШҚО филиалы директорының орынбасары
Дайырова Айдана Қырғызәліқызы, ақпараттық бағдарламалар редакциясының бас редакторы (қазақша)
Шуваев Константин Геннадийұлы, ақпараттық бағдарламалар редакциясының бас редакторы (орысша)
Кәрібаева Мәдина Ислямқызы, тақырыптық бағдарламалар редакциясының бас редакторы (орысша) 
Малахов Владимир Владиславұлы, филиалдың бас инженері
Байматаева Фарида Советқанқызы, бас режиссер
Көшіру | pdf
